2025-08-02

ក្រសួងយុត្តិធម៌ នៃរាជរដ្ឋាភិបាលកម្ពុជា បានចេញអនុក្រឹត្យលេខ ៦២ អនក.តត ស្តីពីការតែងតាំងជំនួយការក្រសួងយុត្តិធម៌ ដោយផ្អែកលើរដ្ឋធម្មនុញ្ញ ព្រះរាជក្រឹត្យ និងច្បាប់ជាធរមាន។ អនុក្រឹត្យនេះ បានតែងតាំងជំនួយការក្រសួងយុត្តិធម៌ចំនួន ២ រូប គឺលោក ម៉ន់ បូរេត និងលោក ម៉ុញ សារ៉ន ដោយមានឋានៈស្មើអគ្គនាយករង។ ការតែងតាំងនេះ ធ្វើឡើងស្របតាមសំណើរបស់រដ្ឋមន្ត្រីក្រសួងយុត្តិធម៌ និងគោលការណ៍ដែលបានកំណត់។ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ រដ្ឋមន្ត្រីក្រសួងយុត្តិធម៌ រដ្ឋមន្ត្រីក្រសួងមុខងារសាធារណៈ ព្រមទាំងរដ្ឋមន្ត្រីនិងប្រធានស្ថាប័នពាក់ព័ន្ធ ត្រូវអនុវត្តអនុក្រឹត្យនេះតាមភារកិច្ចរៀងៗខ្លួន ចាប់ពីថ្ងៃចុះហត្ថលេខា គឺថ្ងៃទី២ ខែកក្កដា ឆ្នាំ២០២៥។ ឯកសារនេះ ត្រូវបានចុះហត្ថលេខាដោយសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។